გუჯეჯიანი ახალგაზრდულ ნაკრებში შანსს სხვა ძიუდოისტებს აძლევს
საქართველოს 23 წლამდელთა ნაკრების მთავარი მწვრთნელის ლაშა გუჯეჯიანის გადაწყვეტილებით საქართველოს ნაკრები ევროპის 23 წლამდელთა ჩემპიონატზე, რომელიც 1-3 ნოემბერს რუსეთში ქალაქ იჟევსკში გაიმართება, გადახალისებული შემადგენლობით წარდგება.
აღნიშნული გადაწყვეტილება განპირობებულია შემდეგი ფაქტორებით:
- დატვირთული სეზონის შემდეგ სპორტსმენებს ესაჭიროებათ ძალების აღდგენა.
- ეს ტაიმაუტი და შესაბამისად, სპეციალური მომზადება მიმართული იქნება საქართველოს ჩემპიონატის და სალიცენზიო ტურნირებისკენ „გამოწვევა 2020“ პროგრამის ფარგლებში.
- თავის გამოჩენის საშუალება ეძლევათ მათ თანაგუნდელ სხვა სპორტსმენებს, რაც თავის მხრივ, გაზრდის კვალიფიციურ და გამოცდილ ძიუდოისტთა კონტინგენტს.
შესაბამისად, შეჯიბრს გამოტოვებენ: ლუკა მაისურაძე, ბაგრატ ნინიაშვილი, ტატო გრიგალაშვილი, ლაშა ბექაური და გელა ზაალიშვილი.
გუნდი დაკომპლექტდება შემდეგი სპორტსმენებით: თემურ ნოზაძე, ჯაბა პაპინაშვილი, გიორგი თუთაშვილი, ლუკა კაპანაძე, ვლადიმერ ახალკაცი, მიხეილ ბექაური, იმედა გოგოლაძე, ონისე სანებლიძე, ილია სულამანიძე.
