პირველი ნახევარფინალისტი ცნობილია! ინგლისმა ავსტრალიას შანსი არ დაუტოვა!
იაპონიაში მიმდინარე სარაგბო მსოფლიო ჩემპიონატზე პირველი მეოთხედფინალური მატჩი ინგლისსა და ავსტრალიას შორის შედგა, რომელიც ევროპელთა დამაჯერებელი გამარჯვებით 40:16 დასრულდა.
შეხვედრაში ჯამში 5 ლელო დაიდო - 4-1 ინგლისელთა სასარგებლოდ.
ინგლისელებმა ორივე ტაიმის დამაჯერებლად მოგება შეძლეს - 17:9, 23:7.
#RWC2019 #ENGvAUS #RWCOita pic.twitter.com/o6v1ul5mEl
— Rugby World Cup (@rugbyworldcup) October 19, 2019
მატჩის გამორჩეული მოთამაშე ჯონი მეი იყო, რომელმაც 2 ლელოს დადება შეძლო.
რაც შეეხება უშუალოდ შეხვედრის მსვლელობას, მატჩი საკმაოდ მაღალ ტემპში წარიმართა და სასიამოვნო საცქერი გახლდათ, თუმცა ინგლისელთა უპირატესობა აშკარა იყო.
შეგახსენებთ, რომ ნახევარფინალში ინგლისელთა მეტოქე ახალ ზელანდიასა და ირლანდიას შორის გამარჯვებული იქნება.
It's @englandrugby into the final four at Rugby World Cup 2019 after beating @Wallabies 40-16 in Oita #RWC2019 #ENGvAUS pic.twitter.com/74X6fGmb0d
— Rugby World Cup (@rugbyworldcup) October 19, 2019