UFC 241 - კორმიე მიოჩიჩთან დამარცხდა! ნეიტ დიასი გამარჯვებით დაბრუნდა!
გამთენიისას ანაჰაიმში UFC 241 გაიმართა. ცენტრალურ ბრძოლაში ერთმანეთს ნაცნობი ოპონენტები, დანიელ კორმიე და სტიპე მიოჩიჩი დაუპირისპირდნენ. კორმიე მძიმე წონითი დივიზიონის საჩემპიონო ქამრის შესანარჩუნებლად იბრძოდა და ფავორიტად მოიაზრებოდა, თუმცა მიოჩიჩმა რევანშის აღება მოახერხა.
დანიელი საწყისი სამი რაუნდის განმავლობაში ყველაფერს აკონტროლებდა და მეტოქეს ერთი თავით სჯობდა, მაგრამ მეოთხე რაუნდში სტიპემ ტაქტიკა შეცვალა. ერთ მომენტში კორმიემ შეცდომა დაუშვა, რაც მიოჩიჩმა შესანიშნავად გამოიყენა.
სტიპემ მეტოქეს მტკივნეული დარტყმების სერია მიაყენა, ტექნიკური ნოკაუტით იმარჯვა და ნანატრი ქამარი დაიბრუნა.
The belt returns to Stipe! What a goddamn battle. #UFC241 pic.twitter.com/PLqbF7dIkN
— Kyle Johnson (@VonPreux) August 18, 2019
მიოჩიჩისა და კორმიეს ჯახის გარდა, გულშემატკივრების ყურადღება ნეიტ დიასისა და ენტონი პეტისის დაპირისპირებისკენ იყო მიმართული. დიასი ოქტაგონზე სამწლიანი პაუზის შემდეგ დაბრუნდა და საოცარი შთაბეჭდილება დატოვა.
Classic Nate Diaz! #UFC241 pic.twitter.com/fe1HjvyxPo
— Kyle Johnson (@VonPreux) August 18, 2019
იგი უპირატესობას მთელი ბრძოლის განმავლობაში ფლობდა და საბოლოოდ მსაჯების ერთსულოვანი გადაწყვეტილებით - 30-27, 30-27, 29-28 იმარჯვა. პეტისთან ჯახის დასრულების შემდეგ კი ჩვეულ სტილში ხორხე მასვიდალი გამოიწვია.
Don't be surprised, motherfuckers. Diaz is back! #UFC241 pic.twitter.com/GFIha3wapw
— Kyle Johnson (@VonPreux) August 18, 2019