მემორანდუმი ჭიდაობის ფედერაციასა და სპორტულ არხს შორის
საქართველოში მაუწყებლობას ახალი სპორტული არხი “ინსპორტი” დაიწყებს, რომელიც სრულად ორიენტირებული ქართულ სპორტზე იქნება, მაქსიმალურად გააშუქებს საქართველოს მასშტაბით ჩატარებულ სპორტულ ღონისძიებებს და ქართველი სპორტსმენების საქმიანობას მსოფლიოს მასშტაბით.
ურთიერთთანამშრომლობის პირველ ხელშეკრულება “ინსპორტმა” საქართველოს 2018 წლის საუკეთესეო ფედერაციასთან – ჭიდაობის ეროვნულ ფედერაციასთან გააფორმა.
ხელშეკრულების თანახმად “ინსპორტი” ქართველ მოჭიდავეებზე განვითარებულ მოვლენებს სრულფასოვნად გააშუქებს, პირდაპირი ეთერის რეჟიმში კი გადასცემს საქართველოს ეროვნულ და 23-წლამდელთა ჩემპიონატებს ჭიდაობაში, კარტოზია-ბალავაძის საერთაშორისო ტურნირს და ვეტერანების მსოფლიო ჩემპიონატს.
ასევე, სრულად გაშუქდება ყველა ასაკობივი ნაკრები გუნდის შიდა პირველობები და მოხდება ქართველი მოჭიდავეების პოპულარიზაცია სხვადასხვა სატელევიზიო პროექტებში.
“ინსპორტსა” და ჭიდაობის ეროვნულ ფედერაციას შორის მჭიდრო თანამშრომლობის მიზანია, ჭიდაობა გახდეს კიდევ უფრო დაფასებული, პოპულარული და მომავალი თაობისთვის მიმზიდველი.
