EXCLUSIVE - „დელტას“ საჩემპიონო გზა
საქართველოს სუპერლიგის 2018-19 წლების სეზონი „დელტას“ ტრიუმფით დასრულდა. ლექსო ლაფანაშვილის შეგირდებმა ფინალური სერიის მეხუთე შეხვედრაში "ქუთაისი" სტუმრად 4 ქულიანი სხვაობით, 82-78 დაამარცხეს და საქართველოს ჩემპიონები პირველად გახდნენ.
„დელტას“ კალათბურთელებმა გაჩემპიონება კლუბის დაარსებიდან, სულ რაღაც 3 წლის შემდეგ მოახერხეს. მანამდე კი იყო დუდუ დადიანის მემორიალი, რომელიც გუნდის პირველი ტიტულია.
CrystalSport-ის გუნდი „დელტას“ საჩემპიონო გზით დაინტერესდა და კლუბის დამფუძნებელ, ამავდროულად მოთამაშე, ზვიად ანთაძესთან და გუნდის ერთ-ერთ ლიდერ, ბექა ბექაურთან ექსკლუზიური ინტერვიუ ჩაწერა.