დღეს "ბარსა" "რეალის" წინააღმდეგ კლასიკური დიზაინის სპეციალური ფორმით ითამაშებს
დღეს "ბარსელონა" "რეალის" წინააღმდეგ წლევანდელი სეზონის ფორმებით არ ითამაშებს. კატალონიელები კლასიკური დიზაინის სპეციალურ ფორმას მოირგებენ.
ეს ინიციატივა კომპანია Nike-ს ეკუთვნის, რომელიც "ბარსას" ფორმის მწარმოებელი ზუსტად 20 წლის წინ გახდა.
დღევანდელ შეხვედრაში მასპინძელთა ფორმა მათ მიერ "ბარსასთვის" შექმნილი პირველი ფორმის ანალოგიური იქნება, რომელსაც კატალონიური კლუბი 1998-2000 წლებში ირგებდა.
ეს გახლავთ პერიოდი, როდესაც გუნდში რივალდო, ლუიშ ფიგუ, ლუის ენრიკე, ჩავი და სხვა ცნობილი ფეხბურთელები თამაშობდნენ.
ასევე იხილეთ - "ელ კლასიკო" - წინასამატჩო პრესკონფერენცია