NBA-ის გასული ტურის მიმოხილვა

გოლდენ სტეიტი - ტორონტო 93 - 113

გამთენიისას ნაციონალურ საკალათბურთო ასოციაციაში გულშემატკივრებმა 11 შეხვედრა იხილეს. ცენტრალური მატჩი ოკლენდში შედგა, სადაც „გოლდენ სტეიტმა“ აღმოსავლეთ კონფერენციის ლიდერს, „ტორონტოს“, უმასპინძლა.

კანადელები კავაი ლეონარდის გარეშე ასპარეზობდნენ, თუმცა შესანიშნავი შეხვედრა ჩაატარეს და მოქმედი ჩემპიონები მიწასთან გაასწორეს.

Vintage Kyle Lowry pic.twitter.com/ZfNUwRIvLb
— Toronto Raptors (@Raptors) December 13, 2018

„რეპტორსს“ 23 ქულითა და 12 შედეგიანი გადაცემით კაილ ლაურიმ ულიდერა. სერჟ იბაკამ აქტივში 20 ქულა ჩაიწერა. დენი გრინი კი 15 ქულით გამოირჩა.

????️ MOOOOOOSE pic.twitter.com/qDGmbzQJfg
— Toronto Raptors (@Raptors) December 13, 2018

„გოლდენ სტეიტის“ მხრიდან ჩვეულ ფორმაში მხოლოდ კევინ დურანტი იმყოფებოდა. „უორიორსის“ მსუბუქმა ფორვარდმა გუნდს 30 ქულა შესძინა. კლეი ტომპსონმა მატჩი 14 ქულით დაასრულა, ხოლო სტეფ კარიმ მხოლოდ და მხოლოდ 10 ქულა დააგროვა.

Dubs just couldn’t find that rhythm tonight.

Breaking down the matchup in tonight’s game rewind, presented by @verizon pic.twitter.com/mYlpzX7uUo
— Golden State Warriors (@warriors) December 13, 2018

ნიუ ორლეანი - ოკლაჰომა 118 – 114

ენტონი დევისის „ნიუ ორლეანმა“ პრინციპულ დაპირისპირებაში იმარჯვა და საკუთარ მოედანზე „ოკლაჰომა“ დაამარცხა.

„პელიკანსს“ სწორედ ხსენებულმა დევისმა ულიდერა. ამ უკანასკნელმა აქტივში 44 ქულა და 18 მოხსნა ჩაიწერა. ჯულიუს რენდელმა ორმაგი დუბლი გაიფორმა - 22 ქულა, 12 მოხსნა. ჯრუ ჰოლიდეი კი 20 ქულითა და 10 შედეგიანი გადაცემით გამოირჩა.

Anthony Davis drops a season-high 44 PTS and pulls down 18 REB in the @PelicansNBA win over OKC! #doitBIG pic.twitter.com/YIjLgWPZ4q
— NBA (@NBA) December 13, 2018

„ოკლაჰომას“ პოლ ჯორჯმა 25 ქულა და 11 მოხსნა შესძინა. დენის შროდერმა თავი 24 ქულას მოუყარა. სტივენ ადამსმა კი 20 ქულა მიითვალა.