ყაზაიშვილმა კვლავ გაიტანა! "სან ხოსეს" ქართველის გოლმა ვერ უშველა

გამთენიისას თბილისის დროით 06:00 საათზე MLS-ის 27-ე ტურის შეხვედრები გაიმართა.

ვაკო ყაზაიშვილისა და გურამ კაშიას "სან ხოსე" "ვანკუვერთან" სტუმრად 1:2 დამარცხდა.

ამერიკელთა ორივე ქართველი ლეგიონერი სასტარტოში იმყოფებოდა.

სამწუხაროდ "სან ხოსემ" უპირატესობა ვერ გამოიყენა და 0:2 მარცხდებოდა.

ყაზაიშვილმა მატჩის მიწურულს ერთი ბურთის გაქვითვა მოახერხა, თუმცა შეხვედრის გადასარჩენად ეს საკმარისი არ გამოდგა.

Vako doing what Vako does!
His 9th Goal of the season.#VANvSJ | #WeAreSanJose pic.twitter.com/vxb4ogcknF

— San Jose Earthquakes (@SJEarthquakes) September 2, 2018

ვაკოსთვის ხსენებული გოლი სეზონში მე-9 გამოდგა. მის ანგარიშზე ასევე 4 საგოლე გადაცემაც ფიქსირდება.

როგორც მოგეხსენებათ, წინა ტურში ყაზაიშვილმა დუბლის გაფორმება შეძლო.

ქართველების "სან ხოსე" კონფერენციაში ბოლო ადგილს იკავებს.

უნდა აღინიშნოს, რომ ერთა ლიგას ვაკო ყაზაიშვილი სასურველ ფორმაში ხვდება.