TOP 20 - რომელმა კლუბმა რამდენი გამოიმუშავა 2016-2017 წლებში

Deloitte Football Money League ყველაზე მაღალშემოსავლიანი საფეხბურთო კლუბების 20-ეულს აქვეყნებს.

მსოფლიოში ყველაზე მაღალშემოსავლიანი საფეხბურთო კლუბის წოდება წელს „მანჩესტერ იუნაიტედმა“ მოიპოვა. Deloitte Football Money League-ის მიხედვით მეორე ადგილი მადრიდის „რეალმა“ დაიკავა, რომელიც „წითელ ეშმაკებს“ წლის განმავლობაში მიღებული შემოსავლებით, ისტორიაში ყველაზე მცირე სხვაობით ჩამორჩა. „იუნაიტედმა“ ყველაზე მაღალშემოსავლიანი კლუბის წოდება მეათედ მიიღო. Deloitte Football Money League-ის მონაცემებით მანჩესტერულმა გრანდმა 2016-2017 წლის სეზონზე 676.3 მლნ ევრო (827.25 მლნ $) გამოიმუშავა, რაც მადრიდის „რეალის“ მიერ მიღებულ შემოსავლებზე 1.7 მლნ ევროთი მეტია.

მესამე ადგილი კატალონიურმა „ბარსელონამ“ დაიკავა, რომელმაც 648.3 მლნ ევრო გამოიმუშავა.

2016-2017 წლის საფეხბურთო სეზონი შემოსავლების მიხედვით რეკორდული აღმოჩნდა, რადგან საუკეთესო 20-ეულის საერთო შემოსავალმა 7.9 მილიარდ ევროს მიაღწია, რაც წინა მონაცემებთან შედარებით 6%-ით მეტია.

საუკეთესო 20 მაღალშემოსავლიან კლუბს შორის 10 ინგლისური გუნდია, რაც მაუწყებლობის უფლებებში შესულმა ცვლილებებმა გამოიწვია.

დარჩენილი 10-დან კი 3 ესპანური, 3 გერმანული, 3 იტალიური და 1 ფრანგული კლუბია.

აღსანიშნავია ინგლისის პრემიერ ლიგის ყოფილი ჩემპიონების, „ლესტერის“ მონაცემებიც, რომელიც შარშანდელთან შედარებით 6 პოზიციით დაწინაურდა. გასულ წელს „ლესტერმა“ მეოცე ადგილი დაიკავა, წელს კი მე-14.

საუკეთესო 20-ეულში ისტორიაში პირველად მოხვდა „საუთჰემპტონი“, რომელმაც მე-18 ადგილი დაიკავა.

საუკეთესო 20-ეული კი ასე გამოიყურება:

#20 „ევერტონი“

2016-2017 წწ. შემოსავალი - € 199,2 მლნ