გუარდიოლა: მეტოქეს ყველაფერში ვაჯობეთ, მათ კი პენალტები უკეთ შეასრულეს
პეპ გუარდიოლას სჯერა, რომ „მანჩესტერ სიტიმ“ მადრიდის „რეალის“ წინააღმდეგ კარგად ითამაშა.
ჩემპიონთა ლიგის საპასუხო მატჩში „ქალაქელები“ მადრიდელებმა პენალტების სერიაში 4:3 დაამარცხეს. 120 წუთი კი ფრედ 1:1 დასრულდა.
„მე მერჩივნა მომეგო, მაგრამ ვულოცავ რეალს. ჩვენ მაქსიმუმი გავაკეთეთ და ყველა ასპექტში უკეთესები ვიყავით. სამწუხაროდ, ჩვენ ვერ გავიმარჯვეთ - ეს არის ის, რაც არის.
ფეხბურთში მთავარი გოლებია და მეტოქემ ჩვენზე ცოტა უკეთესად შეასრულა დარტყმები. ისინი ნახევარფინალში გავიდნენ, ჩვენ კი არა. ყველაფერი დეტალებმა გადაწყვიტეს.
ხან პენალტებში იმარჯვებ, ხან არა. ეს ფორტუნაა“,
- განაცხადა პეპმა.
შეგახსენებთ, რომ „რალი“ ჩემპიონთა ლიგის ნახევარფინალში მეჩვიდმეტედ ითამაშებს, რაც ტურნირის რეკოდია. მათთან ყველაზე ახლოს „ბაიერნი“ (13) იმყოფება, რომელიც ნახევარფინალში სწორედ მათი მატოქე იქნება.