საქართველოს ნაკრების სასტარტო შემადგენლობა საბერძნეთთან მატჩში

ევროპის ჩემპიონატის საკვალიფიკაციო ეტაპის ფინალში, საქართველოს ნაკრები საბერძნეთს დაუპირისპირდება. მატჩამდე რამდენიმე წუთით ადრე, ცნობილი გახდა ფეხბურთელთა ვინაობა, რომლებიც ვილი სანიოლმა უმნიშვნელოვანესი მატჩისთვის ძირითად შემადგენლობაში დააყენა.

გიორგი მამარდაშვილი, ლაშა დვალი, სოლომონ კვერკველია, გურამ კაშია, ლევან შენგელია, ოთარ კაკაბაძე, ოთარ კიტეიშვილი, გიორგი ჩაკვეტაძე, გიორგი ქოჩორაშვილი, ხვიჩა კვარაცხელია, ბუდუ ზივზივაძე.

ცნობისთვის, ევროპის ჩემპიონატზე გასვლის შემთხვევაში, „ჯვაროსნები“ F ჯგუფში მოხვდებიან და ჩვენი მეტოქეები თურქეთი, პორტუგალია და ჩეხეთი იქნებიან. საბერძნეთისა და საქართველოს ნაკრებების მატჩი „დინამო არენაზე“ გაიმართება და 21:00-ზე დაიწყება.