ღონისძიების საუკეთესო ბრძოლა - თოფურიამ დამატებით 50 ათასი მიიღო
ილია თოფურია UFC 298-ის მთავარი მოვლენის ფარგლებში ქვემსუბუქი წონითი დივიზიონის ჩემპიონს, ალექსანდრ ვოლკანოვსკის დაუპირისპირდა და მეორე რაუნდში ნოკაუტით დაამარცხა!
UFC-ის ისტორიაში პირველი ქართველი ჩემპიონი გვყავს, რომელმაც პირობა შეასრულა და ვოლკანოვსკი გათიშა.
ილია თოფურიამ დამატებით 50 ათასი დოლარი მიიღო. ბრძოლა საღამოს მთავარ წარმოდგენად შეფასდა. ამის შესახებ ცოტა ხნის წინ UFC-ის პრეზიდენტმა დანა უაითმა განაცხადა.
ილიასთვის ეს კარიერაში მე-15 გამარჯვება იყო.
„ელ მატადორის“ ანგარიშზე ჯამში 15 მოგება და 0 წაგებაა, ვოლკანოვსკი კი ქვემსუბუქ წონით დივიზიონში კარიერაში პირველად დამარცხდა და თან ნოკაუტით.
შეგახსენებთ, რომ სუპერმსუბუქი წონით კატეგორიაში დღეს მერაბ დვალიშვილმა ჰენრი სეხუდო დაამარცხა და საჩემპიონო ბრძოლის მოლოდინშია.
