ევრო თასის მერვედფინალში დინამო თბილისი რიეკას პრიმორიეს შეხვდება

წყალბურთის ევრო თასის გათამაშების მერვედფინალში „დინამო თბილისის“ მეტოქე ხორვატიის ქალაქ რიეკას გუნდი „პრიმორიე“ იქნება.

ორმატჩიანი დუელის პირველი შეხვედრა ხორვატიაში 2024 წლის 8 მარტს გაიმართება. „დინამო თბილისის“ პოტენციურ მეტოქეებს შორის ასევე იყვნენ: „ბარსელონა“, „სავონა“ და „პანიონისი“. 2023 წელს წყალბურთის ევრო თასის გათამაშება უნგრულმა კლუბმა, „ვასასმა“ მოიგო.

შეგახსენებთ, რომ ქართული კლუბი ამ ტურნირზე ჩემპიონთა ლიგიდან გადაერთო, სადაც 6-დან 6 თამაში წააგო და ბოლო ადგილი დაიკავა. „დინამო“ ჯგუფში „დუბროვნიკთან“, „ოლიმპიაკოსთან“ და „პრო რეჩოსთან“ ერთად იმყოფებოდა.