ევროპის რეკორდი დაამყარა - მურღვლიანის 3 მედალი ევროპის ჩემპიონატზე

ძალოსნობაში, ევროპის 17-წლამდე ჩემპიონატზე მარიამ მურღვლიანმა (81 კგ.) სამი მედალი მოიპოვა. 

ატაცში 95 / 100 / 103 კილოგრამი დააფიქსირა, ოქროს მედალი მოიპოვა და ასევე ევროპის რეკორდი დაამყარა. საქართველოს ძალოსნობის ეროვნული ფედერაციის პრესსამსახურის ინფორმაციით,  მარიამის დაძლეული წონა სარეკორდო იყო საქართველოშიც. ძალოსანმა ქვეყნის რეკორდი (17-წლამდე) და დიდებში 1 კილოგრამით გააუმჯობესა. აღსანიშნავია, რომ წინა რეკორდიც მარიამს ეკუთვნოდა.

მარიამ მურღვლიანმა აკვრაში 117 / 121 კილოგრამი დააფიქსირა და ვერცხლის მედალს დაეუფლა. ასევე, ვერცხლი ერგო ორჭიდში მოგროვილი 224 კილოგრამითაც.

შეგახსენებთ, საქართველოს ქალ ძალოსანთა ნაკრების მწვრთნელი თემურ ჯანჯღავაა. მარიამ მურღვლიანის პირადი მწვრთნელი აკაკი კაკაბაძეა.