რონალდუსთან ითამაშებს - ბროზოვიჩი ალ ნასრის ფეხბურთელია
მარსელო ბროზოვიჩის საკითხი დასრულდა. ხორვატი ნახევარმცველი „ალ ნასრის“ ფეხბურთელია. ამის შესახებ ინფორმაციას გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ავრცელებს.
ცნობილი ხდება ბროზოვიჩის კონტრაქტის დეტალები. მარსელომ არაბულ კლუბთან 3-წლიანი კონტრაქტი გააფორმა. მისი ტრანსფერი კი „ალ ნასრის“ 18 მილიონი ევრო დაუჯდა. აბსოლუტურად ყველა დეტალი შეთანხმებულია და გუნდები ოფიციალურ განცხადებას სულ მალე გააკეთებენ.
Marcelo Brozović has signed contracts as new Al Nassr player. Deal valid until June 2026. ???????????????? @SkySport #AlNassr
— Fabrizio Romano (@FabrizioRomano) July 3, 2023
€18m final fee to Inter. Here we go confirmed. pic.twitter.com/g9Dy3PL43z
შეგახსენებთ, რომ 30 წლის ნახევარმცველის გადაბირებას „ბარსელონა“ ცდილობდა, მაგრამ ტრანსფერისთვის გასახდელი ფული კატალონიურმა გრანდმა ვერ მოიძია. აქედან გამომდინარე ბროზოვიჩმა „ალ ნასრი“ არჩია. ჯერჯერობით უცნობია, თუ რა ანაზღაურება ექნება მას ახალ კლუბში.
ასევე შეგახსენებთ, ხორვატი ფეხბურთელი „ინტერს“ 2016 წლის ზაფხულში შეუერთდა. 2016 წლიდან დღემდე, ბროზოვიჩმა „ნერაძურის“ მაისური ყველა ტურნირზე ერთად 330-ჯერ მოირგო, 31 გოლი გაიტანა და 43 საგოლე გადაცემა შეასრულა.
