„რონალდუს წვეთი ალკოჰოლიც არ გაუსინჯავს, არ უნდოდა მამას დამსგავსებოდა...“

კრიშტიანუ რონალდუს დამ კატია ავეირუმ მისი ძმის განვლილ გზაზე ისაუბრა და საინტერესო ფაქტი გაიხსენა.

„მან მტკიცედ გადაწყვიტა, რომ არავის ჩრდილი არ იქნებოდა. რომ ის არ დაემსგავსებოდა მამას, რომელიც ალკოჰოლზე იყო დამოკიდებული - და ამიტომ კრიშტიანუს ერთი წვეთი ალკოჰოლიც არასოდეს დაულევია.

მას სურდა მსოფლიოს მწვერვალზე ასვლა. და მან ჩათვალა, რომ ვარსკვლავებისკენ ამ მოგზაურობისას არასოდეს დაივიწყებდა, თუ საიდან მოვიდა, მხარს უჭერდა ყველას, ყველასათვის ძალიან ბევრს აკეთებდა.

იმ დღეს, როდესაც მან აქამდე არნახულ ნიშნულს (200 მატჩი პორტუგალიის ნაკრებში) გადააჭარბა, დროა მას პატივი მივაგოთ როგორც ყველა არასრულყოფილ ადამიანს შორის ყველაზე სრულყოფილს.

ყველა წარუმატებლობის მიუხედავად ის გამარჯვებულია. დროა აღვნიშნო მისი ცელქი ბავშვური ღიმილი, იგივე, რაც ჰქონდა, როდესაც სკოლარიმ მას ოცი წლის წინ პირველად დაურეკა.

მოუწესრიგებელი კბილები და გამხდარი სხეული ჰქონდა. მაგრამ მას ჰქონდა იგივე ღიმილი და იგივე შინაგანი ძალა, რომლის ცოდნა და აღწერა მხოლოდ მას და ღმერთებს შეუძლიათ.

მე მხოლოდ მოკვდავი ვარ. კრიშტიანუ - ეს რაღაც განსხვავებულია“,

- დაწერა კატია ავეირომ თავის ინსტაგრამზე.