კვარა ძირითადშია - ნაპოლის სასტარტო 11-ეული ინტერის წინაღმდეგ
იტალიის სერია A-ს 36-ე ტურში უკვე მოქმედი ჩემპიონი „ნაპოლი“ ჩემპიონთა ლიგის ფინალისტს მილანის „ინტერს“ მასპინძლობს.
რამდენიმე წუთის წინ, ნეაპოლელთა ოფიციალურმა გვერდმა გუნდის ძირითადი შემადგენლობა გამოაქვეყნა, რომელშიც ხვიჩა კვარაცხელიაც იმყოფება.
სპალეტის არჩევანი ასეთია: მირეტი, დი ლორენცო, რაჰმანი, კიმი, ოლივერა, ლობოტკა, ანგისა, ჟელინსკი, ელმასი, კვარაცხელია, ოსიმენი.
სიმონე ინძაგის თერთმეტეული: ონანა, ბასტონი, დე ვრაი, დამბროზიო, გოსენსი, ბელანოვა, ასლანი, ბარელა, გალიარდინი, კორეა, ლუკაკუ.
როგორც ხედავთ სიმონე ინძაგიმ შემადგენლობა გადაახალისა და ეს შუა კვირაში იტალიის თასის ფინალით არის განპირობებული. „ინტერი“ 24 მაისს „ფიორენტინას“ დაუპირისპირდება.
ლუჩანო სპალეტიმ კი ჩემპიონობის განაღდების შემდეგ, საბრძოლო შემადგენლობა პირველად გამოიყენა.