დე ბრუინმა მან. სიტი მარცხისგან იხსნა - 2 ბრწყინვალე გასროლა ბერნაბეუზე

UEFA-ს ჩემპიონთა ლიგის ნახევარფინალურ სტადიაზე მადრიდის „რეალისა“ და „მან. სიტის“ პირველი დაპირისპირება „სანტიაგო ბერნაბეუზე“ 1:1 დასრულდა. მიუხედავად იმისა, რომ საწყის 20 წუთში პეპ გუარდიოლას გუნდი დიდ უპირატესობას ფლობდა, მატჩის საერთო სურათიდან გამომდინარე ობიექტურად მადრიდის „რეალმა“ უფრო გამართული ფეხბურთი აჩვენა, „მან. სიტის“ თამაში არ ჰგავდა იმ ფეხბურთს, რასაც „ქალაქელები“ მიმდინარე სეზონში აჩვენებდნენ.

ანგარიში 36-ე წუთზე კამავინგას პასით ვინისიუს ჟუნიორმა გახსნა, ბრაზილიელის საოცარი დარტყმა ედერსონისთვის აუღებელი აღმოჩნდა. საინტერესოა, რომ ედუარდო კამავინგა ყველაზე ახალგაზრდა მოთამაშეა, რომელმაც ჩემპიონთა ლიგის ნახევარფინალში საგოლე პასი შეასრულა.

20 - Eduardo Camavinga (20 years and 180 days) is the youngest player to deliver an assist in a UCL semi-final game since Opta began to collect these data (2003-04), surpassing Trent Alexander-Arnold (20y & 212d). Fullback. #RMAMCI pic.twitter.com/RKUPcp0rbC
— OptaJean (@OptaJean) May 9, 2023

მეორე ტაიმში, 67-ე წუთზე ილქაი გიუნდოგანის პასის შემდეგ კევინ დე ბრუინმა ბრწყინვალე დარტყმით ანგარიში გაათანაბრა - 1:1. ბელგიელმა ჩემპიონთა ლიგაზე მე-14 გოლი გაიტანა და 7 გოლი საჯარიმოს გარედან გაიტანა. დე ბრუინი „მან. სიტიში“ 2015-16 წლიდან თამაშობს და მას შემდეგ შორი მანძილიდან გატანილი გოლების კუთხით ბელგიელის ანგარიშზე ყველაზე მაღალი პროცენტული მაჩვენებელია.

დე ბრუინი პირველი ფეხბურთელია, რომელმაც ჩემპიონთა ლიგის ფლეი-ოფში „რეალს“ სტუმრად ორ სხვადასხვა შეხვედრაში გაუტანა.

7/14 - Seven of Kevin De Bruyne's 14 UEFA Champions League goals have come from outside the box. Since he joined Man City in the 2015-16, it's the highest percentage anyone has scored from distance in the competition (50% - min. 10 goals). Bullet. pic.twitter.com/3NpumnjJqC
— OptaJoe (@OptaJoe) May 9, 2023