გუტის მაგიური ქუსლი გახსოვთ? - კვარაცხელიამ მას იდეალურად მიბაძა
ხვიჩა კვარაცხელიას „ნაპოლიმ“ ჩემპიონთა ლიგის მერვედფინალური ეტაპის პირველი შეხვედრა სტუმრად, „აინტრახტის“ წინააღმდეგ გამართა და 2:0 იმარჯვა. ქართველმა ფეხბურთელმა თერთმეტმეტრიანი გააფუჭა, თუმცა მეორე გოლის ეპიზოდში, ბრწყინვალე გადაცემა გააკეთა, რომელიც ცნობილი ესპანური გამოცემის, Mundo Deportivo-ს ყურადღების ცენტრში მოექცა.
გუტის მაგიური ქუსლი გახსოვთ? კვარაცხელიამ მას იდეალურად მიბაძა
„ხვიჩა კვარაცხელიას პირველ ტაიმში გაფუჭებული პენალტი ძალიან არ განუცდია. ქართველმა ფეხბურთელმა თავდაჯერებულობა შეინარჩუნა და თავისი რეპერტუარიდან საოცარი ასისტი გვაჩვენა, რომლის შემდეგაც დი ლორენცომ აინტრახტს მეორე გოლი გაუტანა. კვარადონამ მსოფლიო კიდევ ერთხელ გააოცა. ამჯერად, მან ზამბო ანგისას პასი მიიღო, ბურთი დაამუშავა, რის შემდეგაც აინტრახტის მცველებს შორის აღმოჩნდა. სწორედ ამ დროს, მან შესანიშნავად იმოქმედა, რამაც იდეალური საგოლე გადაცემა შექმნა.
კვარაცხელიამ თავისი ინტელექტი გვაჩვენა და დი ლორენცოს მისამართით, ქუსლით გაკეთებული ლამაზი პასით მადრიდის რეალის ყოფილ ფეხბურთელს, გუტის მიბაძა. ქართველს გუტის თამაში კარგად ახსოვს, რადგან ის ნეაპოლელი გენიოსის ერთ-ერთი კუმირია. „ჩემი პირველი კუმირი გუტი იყო და თბილისში მისი მაისურებით ვთამაშობდი“, - განაცხადა 22 წლის ფეხბურთელმა, რომელმაც ხალხი ისევ აალაპარაკა“, - წერს Mundo Deportivo.
On this day in 2010...
— Photos of Football (@photosofootball) January 30, 2022
Guti’s sublime back-heel assist to Benzema ???? pic.twitter.com/2mi4VYNlV0
შეგახსენებთ, რომ ჩემპიონთა ლიგის ისტორიაში ხვიჩა ყველაზე ახალგაზრდა ფეხბურთელი გახდა, რომელმაც მონაწილეობა 5-ზე მეტ გოლში მიიღო. მიმდინარე სეზონში მან 6 თამაშში 2 გოლი შეაგდო და 4 საგოლე პასი შეასრულა.
