თურქეთის შეკრებისთვის აქტიურად ემზადება - ბოლო ცნობები ხვიჩას ჯანმრთელობაზე
იტალიური გამოცემა Il Matino ქართველი ფეხბურთელის ჯანმრთელობის მდგომარეობის შესახებ უახლეს ინფორმაციას ავრცელებს და წერს, რომ ხვიჩა გუნდს ორშაბათიდან შეუერთდება.
რა წერია სტატიაში:
ხვიჩა კვარაცხელიას მიზანია, რომ ორშაბათამდე სრულად გამოჯანმრთელებული იყოს. სპალეტის გუნდი ვარჯიშის განახლებას მომავალი კვირიდან გეგმავს. გუნდი ჯერ კასტელ Castel Volturno-ში შეიკრიბება, დეკემბრის დასაწყისში კი თურქეთში გაემგზავრება, სადაც სეზონის განახლებისთვის მოემზადება. ქართველი ფეხბურთელი კი აგრძელებს სარეაბილიტაციო პროგრამას და ინდივიდუალურად ვარჯიშებს, რათა 100%-ით დაუბრუნდეს თავის კონდიციებს.
შეგახსენებთ, რომ ხვიჩა კვარაცხელიამ ზურგის ტრავმის გამო სერია A-ს ბოლო სამი მატჩი გამოტოვა - „ატალანტასთან“, „ემპოლისთან“ და „უდინეზესთან“. მსოფლიო ჩემპიონატის დასრულების შემდეგ, „ნაპოლი“ პირველ მატჩს 4 იანვარს, „ინტერის“ წინააღმდეგ გამართავს და კვარაც დიდი ალბათობით სწორედ ამ შეხვედრაში დაუბრუნდება მოედანს.