კონტრაქტი მალე გაფორმდება - რუდიგერის რეალში გადასვლა გადაწყვეტილია
ლონდონის „ჩელსის“ ფეხბურთელი, ანტონიო რუდიგერი კარიერას „რეალში“ გააგრძელებს. ცნობილი იტალიელი სატრანსფერო ექსპერტის, ფაბრიციო რომანოს ინფორმაციით, მხარეებს შორის კონტრაქტი უახლოეს დღეებში გაფორმდება და ყველაფერი ოფიციალურად მალე დადასტურდება.
გერმანელი მცველი „სამეფო კლუბს“ თავისუფალი აგენტის სტატუსით შეუერთდება. მის გადაბირებაში უდიდესი წვლილი კარლო ანჩელოტიმ შეიტანა. რომანოს ცნობით, იტალიელი სპეციალისტი რუდიგერის თამაშით აღფრთოვანებულია და დიდი სურვილი ჰქონდა, რომ იგი „ბლანკოსის“ რიგებში ეხილა.
Real Madrid will have Antonio Rüdiger's contract signed in the coming days. German centre back will join Real on a four year deal, the agreement has been reached also on commission and more. ⚪️???? #RealMadrid
— Fabrizio Romano (@FabrizioRomano) May 2, 2022
Ancelotti was key as he really wanted Rüdiger.
Here we go confirmed. ⌛️ pic.twitter.com/TjJF4B2fyv
ესპანური პრესის ინფორმაციით, რუდიგერსა და „რეალს“ შორის 4-წლიანი კონტრაქტი გაფორმდება. 29 წლის უკანახაზელი ყოველწლიურად, 9 მილიონ ევროს მიიღებს და „სამეფო კლუბთან“ ხელშეკრულების დადების სანაცვლოდ, 8 მილიონი ევროს ოდენობის ბონუსი გადაეცემა, მის აგენტებს რაც შეეხებათ, ისინი საკომისიოს სახით, 15 მილიონ ევროს მიიღებენ.
შეგახსენებთ, რომ მიმდინარე სეზონში, რუდიგერი „ჩელსის“ ერთ-ერთი ლიდერი გახლავთ და „არისტოკრატების“ მაისურით 49 შეხვედრა ჩაატარა. მის ანგარიშზე 5 გოლი და 2 შედეგიანი გადაცემაა და გერმანელს რამდენიმე გამორჩეული მატჩი ჰქონდა.