ისტორიაში პირველად - ოლიმპიური თამაშები გადაიდო!
უკვე დადასტურებულად შეგვიძლია ვთქვათ, რომ ტოკიოში გასამართი 2020 წლის ზაფხულის ოლიმპიური და პარაოლიმპიური თამაშები კორონავირუსის გამო ერთი წლით გადაიდო.
საერთაშორისო ოლიმპიური კომიტეტის პრეზიდენტმა, თომას ბახმა იაპონიის პრემიერ-მინისტრ შინძო აბეს რჩევა გაითვალისწინა და თამაშების გადადებაზე საბოლოო თანხმობა განაცხადა.
ამის შესახებ აბეს მიერ გაკეთებული კომენტარი BBC-იმ გაავრცელა: "საერთაშორისო ოლიმპიური კომიტეტის პრეზიდენტ ტომას ბახს თამაშების 1 წლით გადადება შევთავაზე, რაც პასუხად 100%-იანი თანხმობა მივიღე".
ტომას ბახს, შინძო აბესა და ოლიმპიური თამაშების საორგანიზაციო ჯგუფის ხელმძღვანელ ესირო მიროს შორის სატელეფონო კონფერენცია დღეს შედგა.
After his telephone talks with IOC President Bach, PM Abe spoke to the press and explained that the two have agreed that the Tokyo Olympic Games would not be cancelled, and the games will be held by the summer of 2021. pic.twitter.com/ihe8To2g3R
— PM's Office of Japan (@JPN_PMO) March 24, 2020
ოლიმპიური თამაშების ჩატარება 2020 წლის 24 ივლისიდან 9 აგვისტოს ჩათვლით იყო დაგეგმილი, ახალი თარიღი კი ჯერჯერობით უცნობია.
აღსანიშნავია, რომ ოლიმპიადების ისტორიაში პირველად მოხდა, როცა თამაშები გადაიდო. მსოფლიო ომის გამო ერთ-ერთი ოლიმპიადა საერთოდ გაუქმდა.
ბოლო მონაცემებით, იაპონიაში კორონავისრუსით 1140 ადამიანი დაინფიცირდა, 42 მათგანი კი გარდაიცვალა.