ანანიძის ქველმოქმედება:''ყველაფრისთვის მადლობა ჯანო!''

საქართველოს ეროვნული ნაკრებისა და თბილისის ''ნიკეს'' ფეხბურთელი ნინო სუთიძე სოციალურ ქსელში ჯანო ანანიძის შესახებ წერს. მოსკოვის ''სპარტაკის'' ფეხბურთელი 18 წლის ნინო გურგენიძეს მძიმე სენთან ბრძოლაში ფინანსური კუთხით დაეხმარა.

ნინო სუთიძე:''ადამიანებს ხშირად უნდა შევახსენოთ პოზიტიური ამბები და მეც პატარა ისტორიას მოგიყვებით. ჯანო ერთი წლის წინ გავიცანი, როცა ჩვენს ფეხბურთელს, ნინის ჯანმრთელობის პრობლემა შეექმნა.
მან პირველი ეტაპი სრულიად დაუფინანსა და დროდადრო სულ მეხმიანებოდა ნინის ამბებით გასაგებად.
ავტომატურად ჩვენი ქალთა ნაკრებითაც ინტერესდებოდა ხოლმე.

კეთილი ნებით მან საჩუქრად საკუთარი ბუცები გამომიგზავნა და მითხრა:“ვისაც ჩათვლი საჭიროდ, რომ დახმარება სჭირდება, დაეხმარეო.”