"ტიკი_ტაკა" და ხარაიშვილის მორიგი საგოლე პასი შვედეთში
შვედეთის ჩემპიონატის მორიგ ტურში "გიოტებორგისა" და "ესკილსტუნას" შეხვედრაში ანგარიში 37_ე წუთზე გიორგი ხარაიშვილის საგოლე გადაცემის შემდეგ რობინ ზიოდერმა გახსნა. "გიოტებორგმა" გოლისას ლამაზი კომბინაცია განავითარა და შეტევა გოლით დაასრულა.
43_ე წუთზე მსაჯმა მოედნიდან მეტოქის ფეხბურთელი გააძევა და "გიოტებორგი" რიცხვობრივ უპირატესობაში აღმოჩნდა. დარჩენილ დროში ანგარიში არ შეცვლილა, ხარაიშვილის გუნდმა 3 ქულა მოიპოვა.
ტრადიციულად ქართველი შემტევი სასტარტო შემადგენლობაში მოხვდა და შეუცვლელად ითამაშა.
16-გუნდიან ჩემპიონატში ''გიოტებორგი'' მეხუთე ადგილზეა.
1-0 till Blåvitt. Robin Söder är glödhet framför mål - och Giorgi Kharaishvili ligger bakom mycket av förarbetet. Klassmål. #ifkgbg pic.twitter.com/GbTm9Gx1w3
— Blåvittpodden (@Blavittpodden) July 21, 2019
2019 წლის სეზონში ხარაიშვილმა შვედეთის უმაღლესი ლიგის მე-15 მატჩში მეხუთე საგოლე გადაცემა შეასრულა. გარდა ამისა მის ანგარიშზე 3 გოლია.
საქართველოს ეროვნული ნაკრების 22 წლის ფეხბურთელი, რომელიც ''საბურთალოს'' აღზრდილია, შვედური კლუბის ღირსებას 2018 წლის თებერვლიდან იცავს.