მიქელთაძის გოლი და ქართველთა დრამატული დაპირისპირება
კვიპროსის საფეხბურთო თასის 2018-19 წლების სეზონის პირველ მერვედფინალურ შეხვედრაში ''ანორთოსისი'' საკუთარ მოედანზე ''პარალიმნისთან'' 2:3 დამარცხდა.
''ანორთოსისის'' მაისურით ბექა მიქელთაძემ იასპარეზა. 21 წლის თავდამსხმელმა 27-ე წუთზე სტუმართა კარში გოლი გაიტანა და ანგარიში მისი გუნდის სასარგებლოდ 2:1 გახდა.
Anorthosis - Paralimni 2:3
— Dima Shariqadze (@shariqadzedima) January 16, 2019
Goal: 2:1 Mikeltadze (27)
Cyprus Cup - 1/8-finals pic.twitter.com/nnndF61iQJ
მიქელთაძე ''ანორთოსისს'' მიმდინარე სეზონში შეუერთდა და კვიპროსული გუნდის მაისურით მესამე გოლი გაიტანა.
2-1! Brilliant first-time touch down the right by Koffi for Struna, who crosses for Mikeltadze to touch it in
— Anorthosis sTALKer (@Pap_resident) January 16, 2019
მიქელთაძის მსგავსად ''ანორთოსისის'' სასტარტო შემადგენლობაში ნიკა კაჭარავა მოხვდა. მიქელთაძემ 90 წუთი ითამაშა, ხოლო კაჭარავა 72-ე წუთზე შეცვალეს.
შესვენების შემდეგ სტუმრებმა ''ქამბექი'' შემოგვთავაზეს და ''ანორთოსისის'' კარში 2 გოლი გავიდა.
აღსანიშნავია, რომ მატჩი დრამატულად დასრულდა, გადამწყვეტი გოლი მესამე დამატებულ წუთზე გავიდა. ''პარალიმნის'' სასტარტო შემადგენლობაში 30 წლის ქართველმა ნახევარმცველმა ირაკლი მაისურაძემ 67-ნომრიანი მაისურით იასპარეზა. მან შეუცვლელად ითამაშა და 65-ე წუთზე ყვითელი ბარათი მიიღო.
მესამე გოლის ეპიზოდში ირაკლი მაისურაძემ შესანიშნავად ითამაშა. მან ვარდნაში სწრაფი კონტრშეტევა წამოიწყო, რომელიც გოლით დასრულდა.
Anorthosis - Paralimni 2:3
— Dima Shariqadze (@shariqadzedima) January 16, 2019
Winning Goal
Cyprus Cup - 1/8-finals, 2018-19 pic.twitter.com/SrCcAQ4HSh
ყოფილ გუნდთან გამარჯვების შემდეგ მაისურაძემ, რომელსაც თემურ ქეცბაიას მწვრთნელობისას საქართველოს ეროვნულ ნაკრებში უთამაშია, Facebook-ის პირად გვერდზე დაწერა: ''ვამაყობ თანაგუნდელებით, გასაოცრად ითამაშეს.''
შეგახსენებთ, ირაკლი მაისურაძე 2014-16 წლებში ''ანორთოსისის'' ფეხბურთელი იყო.
საპასუხო მერვედფინალური შეხვედრა 23 იანვარს ''პარალიმნის'' სტადიონზე გაიმართება.
ფოტო: anorthosisfc.com.cy