"ატლეტიკო" სუპერ თასის მფლობელია
ტალინში გამართული უეფას სუპერ თასის გამარჯვებული მადრიდის "ატლეტიკო" გახდა , რომელმაც ჩემპიონთა ლიგის მფლობელი "რეალი" დამატებით დროში ანგარიშით 4:2 დაამარცხა.
მატჩის დებიუტშივე კოშტამ ანგარიში გახსნა. 27-ე წუთზე "რეალი"-ს ფრანგმა ფორვარდმა ბენზემამ ანგარიში დააფიქსირა.
მეორე ტაიმში სამეფო კლუბი კაპიტანმა სერხიო რამოსმა პენალტით დააწინაურა. 79-ე წუთზე კი კოშტამ ანგარიში გაათანაბრა და შეხვედრაში დუბლი შეასრულა.
დამატებით დროში "ატლეტიკო"-ს რიგებში გოლები საულმა და კოკემ გაიტანეს.
ატლეტიკომ ეს ტიტული მესამედ მოიგო. პირველად 2010 წელს სუპერთასზე მათ ინტერი დაამარცხეს, ხოლო 2012 წელს კი - ჩელსი.
საინტერესოა, რომ ატლეტიკო პირველი გუნდია, რომელსაც სუპერთასზე სამი ან მეტი მოგება აქვს და არცერთი მარცხი.