გორგოძის მორიგი გამარჯვება
ქართველი ჩოგბურთელი ეკატერინე გორგოძე ჰეჩინგენის 60 000-დოლარიანი ტურნირის 1/4-ფინალში გავიდა.
მერვედფინალურ ეტაპზე მან გერმანელი ანა გაბრიჩი ორ სეტში ამგარიშით 6:2, 6:1 დაამარცხა.
მომდევნო ეტაპზე ქართველი ჩოგბურთელის მეტოქე კიდევ ერთი გერმანელი და მსოფლიოს 311-ე ნომერი კატერინა ჰობგარსკი იქნება. თავის მხრივ, ჰობგარსკიმ იტალიელ ანასტასია გრიმალსკას სამ სეტში მოუგო.
გორგოძემ ივლისის ბოლოს ასტანას 80 000 დოლარიანი ტურნირი მოიგო და რეიტინგის საუკეთესო 200-ეულში კარიერაში პირველად შეაღწია, ახლა ის მსოფლიოს 195-ე ჩოგანია.