"მე-4 მსაჯთან საუბრის შემდეგ, ვიცოდი, რომ"... - არბიტრმა ცნობილ ეპიზოდს ნათელი მოჰფინა
მსოფლიო ჩემპიონატის 2006 წლის ფინალის 110-ე წუთზე მომხდარი ზიდანი-მატერაცის ეპიზოდი დღესაც განხილვის თემაა.
ამ საკითხზე კომენტარი აღნიშნული მატჩის მთავარმა არბიტრმა, ორაციო ელისონდომ გააკეთა, რომელიც ამბობს, რომ მას გადაწყვეტილების მიღებაში ესპანელი მსაჯი, ლუის მედინა კანტალეხო დაეხმარა, რომელიც მაშინ მე-4 რეფერის ფუნქციას ასრულებდა.
Via @HistoriaEnFotos
— FRANK GONZALEZ (@FRANKGONZALEZ22) July 20, 2018
Horacio Elizondo, árbitro argentino de la final del Mundial 2006, explica todo sobre aquella expulsión de #zidane por el famoso cabezazo a #Materazzi en el partido #Francia vs #Italia. pic.twitter.com/rWxpWr9313
„დავინახე, რომ ჩემგან დაახლოებით 30-40 მეტრში, მატერაცი მოედანზე იწვა, რის გამოც თამაში გავაჩერე. ჩემს ასისტენტებს სწრაფად ვთხოვე, აეხსნათ რა მოხდა, თუმცა მათ მიპასუხეს, რომ აბსოლუტურად არაფერი დაუნახავთ.
ამ დროს „მფარველ ანგელოზად“ მატჩის მე-4 მსაჯი, ლუის მედინა კანტალეხო მომევლინა, რომელიც მოედანზე შემოვიდა და თავისთან მიმიხმო: „საშინელებაა! ზიდანის მიერ მატერაცისთვის ჩარტყმული თავი, საშინელებაა!.. როცა ვიდეოს ნახავ, ვერ დაიჯერებ, რომ ეს მართლა მოხდა“. - მითხრა მან.
კანტალეხოსთან საუბრის შემდეგ, როცა ეპიზოდის ადგილას დავბრუნდი, უკვე ვიცოდი, რომ ზიდანი უნდა გამეძევებინა“. - განაცხადა ორაციო ელისონდომ.
აღსანიშნავია, რომ ელისონდომ იმ ჩემპიონატზე პორტუგალია-ინგლისის 1/4 ფინალური მატჩისას უეინ რუნიც პირდაპირ წითელი ბარათით გააძევა და ის მატჩიც პენალტების სერიამდე მივიდა, რომელშიც ასევე 10 კაციანმა გუნდმა წააგო.
