ფედერერი: "წაგების შემდეგ ნადალს მივწერე"
კორტზე უმძაფრესი კონკურენციის მიუხედავად, როჯერ ფედერერისა და რაფაელ ნადალის მეგობრობის შესახებ ყველას კარგად მოეხსენება.
ესპანელმა „მატადორმა“ მიმდინარე ავსტრალიის ღია პირველობა 1/4 ფინალში ტრავმის გამო დატოვა.
ამ ფაქტთან დაკავშირებით ფედერერმა შემდეგი კომენტარი გააკეთა:
მატჩის დასრულების შემდეგ, საღამოს ნადალს მივწერე, რადგან მინდოდა დავრწმუნებულიყავი, რომ იგი კარგად იყო.
ჩემთვის რთული ანახავი იყო, როცა მან თამაშის გაგრძელება ვერ შეძლო - რაფა ჩემი მეტოქეა, თუმცა ამავდროულად ჩემი მეგობარი. კარგად ვიცი, რას ნიშნავს, მსგავს სიტუაციაში ყოფნა, ამიტომაც მისი გამხნევება ვცადე“.
როჯერ ფედერერი დიდი სლემის მე-20 ტიტულს უმიზნებს - მისი მთავარი კონკურენტი სწორედ ნადალია, რომლის აქტივშიც 16 მოგებული გრანდ სლემია.
ფედერერი მიმდინარე გათამაშების 1/2 ფინალურ შეხვედრა ხვალ ჩაატარებს და კორეელ ჰიონ ჩუნს დაუპირისპირდება.