გიორგი კვირიკაშვილი ფლორენტინო პერესს შეხვდა
საქართველოს პრემიერ-მინისტრი გიორგი კვირიკაშვილი ოფიციალური ვიზიტით მადრიდში იმყოფებოდა, სადაც „რეალის“ პრეზიდენტ ფლორენტინო პერესს შეხვდა.
ვიზიტის მიზანი იყო ფლორენტინო პერესის, საქართველოში მიმდინარე ინფრასტრუქტურული პროექტების დაინტერესება. „სამეფო კლუბის“ პრეზიდენტი ესპანეთის ერთ-ერთი უმსხვილესი სამშენებლო კომპანიის, ACS ჯგუფის ხელმძღვანელია.
პრემიერ-მინისტრის პრეს-სამსახურის ცნობით, კვირიკაშვილმა პერესს მთავრობის მიერ ინიცირებული ოთხპუნქტიანი გეგმა გააცნო, რომელიც მიზნად ისახავს საქართველოში მსხვილი ინფრასტრუქტურული პროექტების განხორციელებას. პერესი პრემიერ-მინისტრის შეთავაზებით დაინტერესდა და სამომავლო თანამშრომლობას დაჰპირდა.
აღსანიშნავია, რომ ვიზიტის ფარგლებში გიორგი კვირიკაშვილმა მადრიდის „რეალის“ ლეგენდარული სტადიონი „სანტიაგო ბერნაბეუ“ მოინახულა და პერესისგან სამახსოვროდ „სამეფო გუნდის“ მაისურიც მიიღო.
იხილეთ ფოტოგალერეა: