რას აპირებს რონალდუ კარიერის დასრულების შემდეგ?
ყველასთვის მოულოდნელად, მადრიდის „რეალის“ ლიდერმა კრიშტიანუ რონალდუმ განაცხადა, რომ საფეხბურთო კარიერის დასრულების შემდეგ მისთვის კინომსახიობის ამპლუაში ძალების მოსინჯვა საინტერესო იქნებოდა.
„არ მესმის, რატომ არ შეიძლება, რომ ძალები "ჰოლივუდში" მოვსინჯო. ჯერჯერობით ამას მიზნად არ ვისახავ, თუმცა შემოთავაზებები უკვე მივიღე. ჩემი დღევანდელი ცხოვრების წესთან ეს რთული შესათავსებელია, თუმცა სამომავლოდ საინტერესო იქნებოდა. ვფიქრობ, რომ ვერც მთავარ და ვერც მეორეხარისხოვან როლს ვერ გავუმკლავდები. შესაძლებელია, რომ ეპიზოდური როლი შევასრულო. მიყვარს სწავლის პროცესი, სამსახიობო ოსტატობას კი მხოლოდ კარგი მსახიობების გარემოცვაში დაეუფლები. სამსახიობო ნიჭით ვერ დავიკვეხნი, თუმცა თუ მოვინდომებ, შესაძლებელია, უნარები დავხვეწო. ვთვლი, რომ მსახიობის საქმე დიდად განსხვავდება ფეხბურთელის სამუშაოსგან. მსახიობობა ლამაზი და რთული პროფესიაა. დარწმუნებული ვარ, რომ ადრე თუ გვიან, დიდ კინოში ვითამაშებ. დავიწყებ პატარა როლებით, გამოცდილებას დავაგროვებ და შემდეგ ვნახოთ რა იქნება“ - განაცხადა კრიშტიანუ რონალდუმ.
