რომის პროკურატურამ დე ლაურენტისი დაჰკითხა | მიზეზი ოსიმენის ტრანსფერის საქმეა
„ნაპოლის“ პრეზიდენტი, აურელიო დე ლაურენტისი რომის პროკურატურაში იმყოფებოდა და ჩვენება მისცა. La Gazzetta dello Sport-ის ინფორმაციით, დე ლაურენტისს საკუთარი ადვოკატი, ფაბიო ფულგერი ახლდა და მათ პროკურატურის შენობაში დაახლოებით 2 საათი გაატარეს.
დე ლაურენტისის დაბარების მიზეზი ვიქტორ ოსიმენის ტრანსფერის საქმეს უკავშირდება და მას თანხის ხელოვნურად გაზრდას ედავებიან. 2020 წელს „ნაპოლიმ“ ნიგერიელი „ლილიდან’’ 71 მილიონ ევროდ შეიძინა. აღნიშნული თანხიდან 50 მილიონი ფრანგულმა მხარემ მიიღო, 21 მილიონად კი ორესტის კარნეზისი, კლაუდი მანცი, ჩირო პალმიერი და ლუიჯი ლიგუორი შეფასდნენ. ესფეხბურთელები ოფიციალურად „ლილის“ წევრები გახდნენ, თუმცა ფრანგულ კლუბში არ უთამაშიათ.
Aurelio De Laurentiis ha chiesto e ottenuto di essere ascoltato dai Pubblici Ministeri della Procura di Roma nell’ambito delle indagini in corso per la compravendita del calciatore Victor Osimhen
— Official SSC Napoli (@sscnapoli) April 3, 2024
La Repubblica-ს ინფორმაციით, დე ლაურენტისმა სამართალდამცველებს საკუთარი პოზიცია და კონტრარგუმენტები წაუყენა. პროკურატურის ოფისის დატოვების შემდეგ, მას კომენტარი არ გაუკეთებია და ამ თემასთან დაკავშირებით, ჯერჯერობით სხვა სიახლე ცნობილი არაა.
ავტორიტეტული იტალიური სააგენტოს, ANSA-ს ცნობით, პროკურატურის წარმომადგენლები ოფიციალურ განცხადებას უახლოეს დღეებში გააკეთებენ.