„საკუთარი ძალების უფრო უნდა ირწმუნოს“ - იტალიური მედიის შეფასება

იტალიის სერია A-ს 29-ე ტურში „ინტერი“ საკუთარ მოედანზე „ნაპოლის“ დაუპირისპირდა და ფრედ, 1:1 ითამაშა.

ხვიჩა კვარაცხელია ნეაპოლელთა სასტარტო შემადგენლობაში იყო და ფრანჩესკო კალცონამ 91-ე წუთზე შეცვალა. შეხვედრის დასრულების შემდეგ იტალიურმა მედიამ ქართველი შემტევის თამაში შეაფასა.

რას წერენ სააგენტოები:

Eurosport – 5.5 ქულა: ცოტას ეძებდა და მცირედსაც ვითხოვდით. პავარი გააფრთხილებინა, მეორე ტაიმში კი კარისკენ დაარტყა, თუმცა, ზომერმა ბურთი მარტივად დაიჭირა. საკუთარი თავის მოჩვენება იყო.

Sport.Virgilio – 5.5 ქულა: როგორც კი გამოანათა, მაშინვე პავარი გააფრთხილა. ქართველმა საკუთარი ძალების უფრო უნდა ირწმუნოს, მით უმეტეს მაშინ, როდესაც მისი სათამაშო დონე უფრო აიწევს.

Calcionapoli1926 – 6 ქულა: პოლიტანოს მსგავსად, მეორე ტაიმში გამოანათა რა რამდენიმეჯერ ჰქონდა თამაშის გამწვავების მცდელობა. მაგრამ კაცის მოტყუებას და მახრჩობელა მდგომარეობიდან თავის დაღწევას მუდმივად ვერ ახერხებდა. სამწუხაროდ, მისმა გუნდელებმა კვლავ მარტო დატოვეს.

Tuttonapoli – 6 ქულა: ვერ ახერხებდა ისე გამონათებას, როგორც რამდენიმე კვირის წინ, საუკეთესო საღამოებზე, ამის ერთ-ერთი მიზეზი ის იყო, რომ ოლივეირასგან ნაკლებ მხარდაჭერას იღებდა.

Calciomercato – 5.5 ქულა: როდესაც თამაშს საკუთარ თავზე იღებდა, „ინტერისთვის“ ყოველთვის საშიშროებას წარმოადგენდა. მაგრამ საკმარისად გამონათება ვერ შეძლო.

ინტერის წინააღმდეგ, ხვიჩას 6-ჯერ ჰქონდა დრიბლინგის მცდელობა და აქედან ორჯერ წარმატებული აღმოჩნდა, ბურთს 51-ჯერ შეეხო, 30 პასიდან 26 ზუსტად შეასრულა, აქედან 1 გამამწვავებელი პასი იყო. 14 პოზიციური დუელიდან 8 მოიგო, ბურთი 12-ჯერ დაკარგა, 4-ჯერ დაჯარიმდა და მეტოქეს ბურთი 2-ჯერ წაართვა.

ხვიჩას ყველა ეპიზოდი ინტერთან:

29 ტურის შემდეგ „ნაპოლი“ სერია A-ს სატურნირო ცხრილში 45 ქულით მე-7 ადგილზე იმყოფება, „ინტერი“ კი 76 ქულით კვლავ ცხრილის ერთპიროვნული ლიდერია. ფრანჩესკო კალცონას გუნდი მომდევნო შეხვედრას სანაკრებო პაუზის დასრულების შემდეგ გამართავს. 30 მარტს „ნაპოლი„ საკუთარ მოედანზე „ატალანტას“ დაუპირისპირდება.