შერმადინის 7 ქულა - ტენერიფემ ჩემპიონთა ლიგაზე გაიმარჯვა
საკალათბურთო ჩემპიონთა ლიგის ჯგუფური ეტაპის მორიგ ტურში ლენოვო „ტენერიფემ“ „ჰაპოელ“ იერუსალიმს უმასპინძლა და მძიმე ბრძოლაში 95:92 დაამარცხა.
როგორც ყოველთვის, ძირითად შემადგენლობაში მოგვევლინა გიორგი შერმადინი, რომელსაც სტატისტიკურად სუსტი მატჩი ჰქონდა.
ქართველმა კალათბურთელმა პარკეტზე 21 წუთი და 56 წამი დაყო. ამ პერიოდის განმავლობაში შერმადინმა 7 ქულას, 7 მოხსნას და 2 შედეგიან გადაცემას მოუყარა თავი.
მასპინძელთა მხრიდან ყველაზე გამორჩეული ბრაზილიელი ჰუერტასი იყო, რომელმაც არასრულ 24 წუთში 24 ქულას, 1 მოხსნას და 6 პასს მოუყარა თავი.
აღსანიშნავია, რომ „ჰაპოელი“ ჩემპიონთა ლიგის ჯგუფში „ტენერიფეს“ უშუალო კონკურენტია. ამ მომენტისთვის, ორივე გუნდს 7-7 ქულა აქვს და პირველ ადგილზე „ჰაპოელი“ იმყოფება.
¡¡¡ Nos lo llevamos !!!
— Lenovo Tenerife (@CB1939Canarias) March 6, 2024
???? El #LenovoTenerife supera al #HapoelJerusalem y suma su tercera victoria en el Top 16 ‼️
???????? #VamosCanarias #LenovoTenerife pic.twitter.com/CyDEfjNrmg
