შენით იატაკს მოვწმენდ - თოფურიამ ვოლკანოვსკის ქამარი წაართვა
UFC 298-ზე, ქვემსუბუქი წონის საჩემპიონო ბრძოლამდე ილია თოფურია და ალექსანდრ ვოლკანოვსკი მედიის წინაშე წარდგნენ. საინტერესო საუბარი გამოვიდა.
„ამ ბრძოლის შემდეგ ყველანი ჩემსკენ იქნებით’’ - აღნიშნა თოფურიამ და შემდეგ ვოლკანოვსკის მიმართა: „შენით იატაკს მოვწმენდ, გაგანადგურებ, ბრძოლას პირველივე რაუნდში დავასრულებ’’.
თოფურიას ვოლკანოვსკიმ უპასუხა: „შენ ასეთი ხარ: „მინდა კონორ მაკგრეგორი ვიყო’’. გაჩვენებ, რატომაც ვდომინირებდი დივიზიონში’’.
პრესკონფერენციაზე საინტერესო რამ მოხდა, თოფურია ადგა და ვოლკანოვსკის ქამარი აიღო.
We've seen this move before ????@TopuriaIlia taking a page from Conor McGregor ahead of #UFC298 pic.twitter.com/bMdP3ehIV4
— UFC (@ufc) February 16, 2024
ილია მიმართავს ვოლკანოვსკის: „დღეს აქ მოხუცივით ჩაცმული მოხვედი, რადგან იცი რა მოხდება, პენსიაზე გადიხარ’’.
„ბრწყინვალე ლექციას ჩაგიტარებ’’ - უპასუხა ვოლკანოვსკიმ.
თოფურია: „ამ შეხვედრის შემდეგ MMA-ს სრულიად შევცვლი, ამ სპორტის განვითარებასა და ამ სპორტის ევოლუციას წარმოვადგენ’’.
როცა ილია და ვოლკანოვსკი პირისპირ დადგნენ, ილიამ ვოლკანოვსკის უთხრა: „პატივს გცემ, როგორც პიროვნებას და როგორც პროფესიონალს, მაგრამ მე ჩემი ოცნებებისთვის ვიბრძვი''.
View this post on Instagram
შეგახსენებთ, UFC-ის ქვემსუბუქ წონაში ილია თოფურიასა და ალექსანდრ ვოლკანოვსკის საჩემპიონო ბრძოლა 17 თებერვალს, საქართველოს დროით კი 18 თებერვალს, 07:00 საათიდან გაიმართება.