მარცხი ანკარაგიუჯუსთან - არველაძის გუნდი გასავარდნ ზონაში დაქვეითდა
თურქეთის სუპერ ლიგის მორიგ ტურში „კარაგუმრუკი“ „ანკარაგიუჯუს“ ესტუმრა და 0:2 დამარცხდა.
წაგების მიუხედავად, შოთა არველაძის გუნდს ტერიტორიული უპირატესობა ჰქონდა და მომენტებიც მეტოქეზე მეტი ჰქონდა.
ანგარიში 24-ე წუთზე გიუნერენმა გახსნა და პირველი ტაიმი 1:0 დასრულდა. მეორე ნახევარში სტუმრები ბევრს ცდილობდნენ, თუმცა წონასწორობა ვერ აღადგინეს. 61-ე წუთზე მაქედამ სხვაობა ორამდე გაზარდა და მატჩის საბოლოო შედეგი 2:0 დააფიქსირა.
ამ წაგების შემდეგ, ქართველი სპეციალისტის გუნდის ვითარება დამძიმდა. „კარაგუმრუკს“ 21 ქულა დარჩა და გასავარდნ ზონაში, მე-18 ადგილზე დაქვეითდა.
ცნობისთვის, შემდეგ ტურში შოთა არველაძის გუნდი „რიზესპორს“ უმასპინძლებს. აღნიშნული დაპირისპირება 28 იანვარით თარიღდება და თბილისის დროით 17:00-დან დაიწყება.
