ფინანსური წესების დარღვევის გამო ევერტონს და ნოტინგემს ქულები დააკლდებათ
„ევერტონსა“ და „ნოტინგემ ფორესტს“ პრემიერ ლიგაში ქულების დაკლება ემუქრებათ. ბრიტანული მედიის ინფორმაციით, პრემიერ ლიგის ხელმძღვანელები კლუბებს ფინანსური „ფეარ-პლეის“ წესების დარღვევაში ადანაშაულებენ.
ორგანიზაციის აღმასრულებელი კომიტეტის სხდომა ცოტა ხნის წინ დასრულდა და კომიტეტის წევრებმა დარღვევები გამოიტანეს სააშკარაოზე. „ნოტინგემს“ ბრალდებებზე პასუხის გასაცემად 14-დღიანი ვადა მიეცათ, რის შემდეგაც კომისია საბოლოო გადაწყვეტილებას მიიღებს.
რაც შეეხება „ევერტონს“, მას მიმდინარე სეზონში 2021/22 წლების სეზონში აღმოჩენილი დარღვევების გამო მიმდინარე სეზონში უკვე დააკლდა 10 ქულა და ეს სასჯელი მათთვის მეორე იქნება. „ნოტინგემის“ მსგავსად, „ევერტონსაც“ პასუხების გასაცემად და გადაწყვეტილების გასაჩივრებისთვის 2-კვირიანი ვადა აქვს.
???????????????????????????????? BREAKING: Premier League charges Nottingham Forest and Everton with breaching financial rules.
— Fabrizio Romano (@FabrizioRomano) January 15, 2024
Clubs facing points deductions charged by Premier League with breaching profit & sustainability rules.
Second charge this season for Everton, docked 10 points in November. pic.twitter.com/7j1VVJtqsq
ქულების ზუსტი რაოდენობა, რომელიც კლუბებს დააკლდებათ, ჯერჯერობით უცნობია, თუმცა, მედიაში ვარაუდობენ, რომ ორივე გუნდს 10-10 ქულა დააკლდებათ. შეგახსენებთ, რომ პრემიერ ლიგის სატურნირო ცხრილში „ევერტონი“, რომელსაც 10 ქულა უკვე ჩამოკლებული აქვს, 17 ქულით მე-17 პოზიციას იკავებს, „ნოტინგემი“ კი 20 ქულით მე-15 ადგილზე იმყოფება.
