კაკაბაძემ გუნდს უკაპიტნა - კრაკოვიამ ლეგია დაამარცხა
პოლონეთის ჩემპიონატში ოთარ კაკაბაძის „კრაკოვიამ“ ვარშავის „ლეგიას“ უმასპინძლა და 2:0 დაამარცხა.
კაკაბაძემ მატჩი სასტარტოდან დაიწყო და გუნდის კაპიტანიც გახლდათ. ოთომ შეხვედრა სრულად ჩაატარა. „კრაკოვიამ“ 3-5-2 სქემით ითამაშა და კაკაბაძე ისევე როგორც ნაკრებში, კლუბშიც მარჯვენა „ვინგბექის“ პოზიციაზე თამაშობდა.
მატჩამდე „ლეგია“ ფავორიტად მიიჩნეოდა, თუმცა „კრაკოვიამ“ ბევრისთვის მოულოდნელად დამაჯერებლად ითამაშა და 9-მატჩიანი მოუგებელი სერია დაასრულა.
25-ე წუთზე ფინელმა ფორვარდმა ბენჟამინ კალმანმა შორეული გასროლით „კრაკოვია“ დააწინაურა. მატჩის საბოლოო ანგარიში კი 57-ე წუთზე დაფიქსირდა, როცა ოთარ კაკაბაძის წამოწყებული შეტევა კეროლ კნაპმა გოლად აქცია.
KALLMAN PO RAZ DRUGI! Zawodnik Cracovii stanął oko w oko z Kacprem Tobiaszem i podwyższył prowadzenie! ⚽
— CANAL+ SPORT (@CANALPLUS_SPORT) December 20, 2023
???? Mecz trwa w CANAL+ SPORT i CANAL+ online: https://t.co/Dacm2GZGSl pic.twitter.com/OikgUcX8l1
პოლინურ ექსტრაკლასაში 19 ტურის შემდეგ, კაკაბაძის გუნდი 21 ქულით მე-13 პოზიციაზე იმყოფება. ამ ტურის შემდეგ, ჩემპიონატი ზამთრის შესვენებაზე გადის და მატჩები თებერვლიდან განახლდება.