ბელინგემმა ზიდანის მიღწევა გააუმჯობესა
ლა ლიგის მორიგ ტურში „რეალი“ „ბარსელონას“ ესტუმრა და მძიმე ბრძოლაში 2:1 დაამარცხა. მადრიდელთა მხრიდან ორივე გოლი ჯუდ ბელინგემმა გაიტანა, რომელსაც ლა ლიგის მიმდინარე სეზონში 10 გოლი დაუგროვდა.
ამ შედეგით, ინგლისელმა სუპერვარსკვლავმა ზინედინ ზიდანის მიღწევა გააუმჯობესა.
10 - Jude Bellingham has scored 10 goals in LaLiga this season for Real Madrid, which is more league goals than Zinedine Zidane ever scored in a single season for the club. Settled. pic.twitter.com/uGd0mn9oly
— OptaJoe (@OptaJoe) October 28, 2023
საქმე იმაში გახლავთ, რომ ლეგენდარულ ფრანგს „სამეფო კლუბის“ რიგებში, ლა ლიგის ერთ სეზონში 9 გოლზე მეტი გატანილი არ აქვს, ხოლო ბელინგემმა ამის გაუმჯობესება პირველივე სეზონში მოახერხა.
ცნობისთვის, ჯუდმა ყველა ტურნირზე ერთად 13 მატჩში მიიღო მონაწილეობა, 13 გოლი გაიტანა და 3 საგოლე გადაცემა შეასრულა.
რაც შეეხება ზიდანს, ყოფილი ნახევარმცველი „ბლანკოსში“ 2001 წლიდან 2006 წლის ჩათვლით თამაშობდა. ამ პერიოდის განმავლობაში მან „რეალის“ მაისური ყველა ტურნირზე ერთად 227-ჯერ მოირგო, 49 გოლი გაიტანა და 68 საგოლე გადაცემა შეასრულა.