მანჩესტერისა და Adidas-ის 10-წლიანი კონტრაქტი | იუნაიტედი 900 მილიონს მიიღებს
„მანჩესტერ იუნაიტედმა“ Adidas-თან გრძელვადიანი ხელშეკრულება გააფორმა. გერმანული კომპანია „წითელი ეშმაკების“ ეკიპირებაზე ზრუნვას 2035 წლამდე გააგრძელებს და ახალი კონტრაქტით, „ოლდ ტრაფორდელები“ Adidas-ისგან მინიმუმ 900 მილიონ გირვანქა სტერლინგს მიიღებენ.
Daily Mail-ის ჟურნალისტის, კრის უილერის ინფორმაციით, ეს შეთანხმება პრემიერ ლიგის ისტორიაში უდიდესია. ყოველ სეზონში, Adidas-ი „მანჩესტერს“ 90 მილიონ გირვანქა სტერლინგს გადაუხდის და ეს ამჟამინდელი კონტრაქტით გაწერილ თანხაზე ბევრად მეტია.
???? Utd's 10yr agreement with adidas is said to be the biggest in PL history, worth £900m
— Chris Wheeler (@ChrisWheelerDM) July 31, 2023
⚫️ The deal is worth £90m per season, a significant increase on current deal
???? Utd have secured certainty around their single biggest source of revenue for the next decade#mufc
„მოხარული ვართ, მანჩესტერთან კონტრაქტის გახანგრძლივება გამოვაცხადოთ. Adidas-ი და მანჩესტერ იუნაიტედი საფეხბურთო სამყაროში ორი ყველაზე მნიშვნელოვანი ბრენდია და ბუნებრივია, ჩვენი თანამშრომლობა რომ გრძელდება. მსოფლიოს ყველაზე საკულტო კლუბთან პარტნიორობის გაგრძელებას მოუთმენლად ველით“, - განაცხადა გერმანული კომპანიის აღმასრულებელმა დირექტორმა, ბიორნ გულდენმა.
ცნობისთვის, „მანჩესტერ იუნაიტედისა“ და Adidas-ის თანამშრომლობა 2015/16 წლების სეზონის სტარტზე დაიწყო.