ლოჩოშვილი კრემონეზეს შეუერთდა და ახალი სეზონისთვის ემზადება
საქართველოს ნაკრების მცველი, ლუკა ლოჩოშვილი იტალიაში „კრემონეზეს“ წინასასეზონო შეკრებას შეუერთდა და გუნდთან ერთად სრული დატვირთვით ემზადება.
კლუბის პრესსამსახურის ცნობით, ქართველმა ფეხბურთელმა დღევანდელ საწვრთნელ პროცესში მიიღო მონაწილეობა.
Prima mattina di lavoro in Val di Pejo caratterizzata da una corsa in mezzo alle bellezze del territorio che ci ospita ????#PreSeason2324 #ForzaGrigiorossi #DaiCremo #SerieBKT ????❤️ pic.twitter.com/MUXxXUkQ8T
— U.S. Cremonese (@USCremonese) July 16, 2023
„კრემონეზე“ გასულ სეზონში სერია A-ში გამოდიოდა, თუმცა წარუმატებელი ასპარეზობის გამო სერია B-ში დაქვეითდა და ახალი სეზონიდან იტალიის რანგით მეორე ლიგაში იასპარეზებს.
რაც შეეხება ლოჩოშვილს, ესპანურ და იტალიურ მედიაში აქტიურად იწერება, რომ 25 წლის მცველის გადაყვანით ესპანეთის ლა ლიგის გუნდი „რაიო ვალეკანო“ ინტერესდება და დიდი შანსია, ახალი სეზონიდან ქართველი ფეხბურთელი ესპანეთის ჩემპიონატში მივიღოთ.
ბუნებრივია, სანამ ყველაფერი გაირკვევა, ლუკა ლოჩოშვილი თავის ამჟამინდელ გუნდთან ერთად ივარჯიშებს. ცნობისთვის, „კრემონეზეს“ სერია B-ში პირველი შეხვედრა 19 აგვისტოს, „კატანზაროს“ წინააღმდეგ ელის.
