ოფიციალურად - მილინკოვიჩ-სავიჩი ალ ჰილალის ფეხბურთელია
საუდის არაბეთი ვარსკვლავების გადაბირებას აგრძელებს. საქმე ამჯერად მილინკოვიჩ-სავიჩს ეხება.
სერბი ნახევარმცველის გადაბირებით „ალ ჰილალი“ ინტერესდებოდა. დღეს კი არაბული კლუბის ოფიციალურმა გვერდმა გვამცნო, რომ სერგეის ტრანსფერი დადასტურდა. მილინკოვიჩ-სავიჩი მომავალი სეზონიდან „ალ ჰილალის“ ღირსებას დაიცავს.
???? أرواحٌ نشـأت على "الذهـب".. ????#الهلال pic.twitter.com/nvVmVCXs6A
— نادي الهلال السعودي (@Alhilal_FC) July 12, 2023
გავრცელებული ინფორმაციით, „ლაციომ“ მის სანაცვლოდ 40 მილიონი ევრო მიიღო, ხოლო თავად ფეხბურთელის წლიური ანაზღაურება 20 მილიონი ევრო იქნება.
შეგახსენებთ, რომ მილინკოვიჩ-სავიჩი რომაულ კლუბს 2015 წელს შეუერთდა. 2015 წლიდან დღემდე, სერგიემ „ლაციოს“ მაისური ყველა ტურნირზე ერთად 341-ჯერ მოირგო, 69 გოლი გაიტანა და 59 საგოლე გადაცემა შეასრულა.
