კიმ მინ-ჯე ბაიერნში გადადის | ტრანსფერი დროის ამბავია
„ნაპოლის“ ერთ-ერთი ლიდერი, კიმ მინ-ჯე კლუბს უახლოეს დღეებში დატოვებს. ცნობილი სატრანსფერო ექსპერტის, ფაბრიციო რომანოს ინფორმაციით, სამხრეთ კორეელი უკანახაზელი კარიერას გერმანიაში გააგრძელებს და „ბაიერნის“ ღირსებას დაიცავს.
როგორც რომანო წერს, მხარეებს შორის ყველა დეტალი შეთანხმებულია და კიმმა „რეკორდმაისტერში“ ტრანსფერს მწვანე აუნთო. უახლოს დღეებში, „ბაიერნი“ მის კონტრაქტში ჩადებულ პუნქტს აამოქმედებს და „პარტენოპეის“ კიმის გამოსასყიდ თანხას გადაუხდის.
EXCL: Bayern have reached total verbal agreement with Kim Min-jae on personal terms, five year deal ready — here we go! ???????????????? #FCBayern
— Fabrizio Romano (@FabrizioRomano) June 28, 2023
Kim has accepted the contract proposal as club sources confirm. Contract valid until 2028.
Next step up to Bayern: pay the release clause. pic.twitter.com/LBK8w6s20H
რომანოს ინფორმაციით, სამხრეთ კორეელი „რეკორდმაისტერთან“ 5-წლიან კონტრაქტს გააფორმებს. მისი საკუთარ რიგებში ხილვით „მანჩესტერ იუნაიტედიც“ ინტერესდებოდა, მაგრამ „ბაიერნმა“ კონკურენტს აჯობა და დაცვა გააძლიერა.
შეგახსენებთ, რომ კიმ მინ-ჯე „პარტენოპეის“ გასული წლის ზაფხულის სატრანსფერო ფანჯრის დროს შეუერთდა და „ნაპოლის“ სკუდეტოს მოგებაში დაეხმარა. კიმმა ყველა ტურნირზე ერთად 45 მატჩში მიიღო მონაწილეობა, 2 გოლი გაიტანა და 2 საგოლე გადაცემა შეასრულა.