უარი ალ-ჰილალს - ალეგრი იუვენტუსში რჩება
„იუვენტუსის“ მთავარმა მწვრთნელმა, მასიმილიანო ალეგრიმ საუდის არაბეთის გუნდ „ალ-ჰილალის“ გრანდიოზულ შეთავაზებაზე უარი თქვა და ტურინულ გუნდში დარჩენა გადაწყვიტა.
ცნობილი საფეხბურთო ექსპერტის, ფაბრიციო რომანოს ინფორმაციით, 55 წლის სპეციალისტმა „ალ-ჰილალის“ წარმომადგენლები, რომლებიც წლიურად 30 მილიონ ევროს სთავაზობდნენ, უარით გაისტუმრა.
Understand Massimiliano Allegri has rejected an important, verbal proposal from Al Hilal. €20m salary per year until June 2025 ⚪️⚫️????????
— Fabrizio Romano (@FabrizioRomano) June 25, 2023
Allegri, never in contact with Al Nassr — the only club was Al Hilal with improved bid on Thursday. He said no as he’s only focused on Juventus. pic.twitter.com/Dz9rsij8rV
ცნობისთვის, თავდაპირველად, არაბების შეთავაზება 20 მილიონ ევროს წარმოადგენდა, თუმცა ალეგრის უარის შემდეგ 30 მილიონამდე გაიზარდა. საუბარი იყო 2-წლიან ხელშეკრულებაზე, თუმცა იტალიელი მწვრთნელის მიზანი „იუვენტუსის“ საფეხბურთო მწვერვალზე დაბრუნებაა.
შეგახსენებთ, რომ მასიმილიანო ალეგრი ტურინულ გუნდს სათავეში მეორე ვადით 2021 წლის ზაფხულში ჩაუდგა, მანამდე კი „ბიანკონერიში“ 2014-2019 წლებში მუშაობდა.
