პიკე: სპორტის ამერიკული კონცეფცია ბევრად უკეთესია, ვიდრე ევროპული

ჟერარ პიკე მიიჩნევს, რომ სპორტის ამერიკული კონცეფცია ევროპულზე უკეთესია.

„ჩემთვის სპორტის ამერიკული კონცეფცია ბევრად უკეთესია, ვიდრე ევროპული. NBA-ში 30 ფრენჩაიზია და ისინი ყველა ერთი მიმართულებით მოძრაობენ, რადგან მათ იგივე ინტერესები აქვთ.

ესპანეთში, მაგალითად, ინტერესების გაერთიანება მოხდა ერთობლივი სატელევიზიო უფლებების გაყიდვის შედეგად. მაგრამ ეს არ გაკეთებულა მრავალი წლის განმავლობაში. დიდი უფსკრული იყო ბარსელონას, მადრიდის რეალს, ატლეტიკოსა და ყველას შორის.

პრემიერ ლიგა ამას ცოტა უკეთესად აკეთებს.

მათ ჰყავთ ექვსი გუნდი, რომლებსაც შეუძლიათ ტიტულისთვის ბრძოლა. ეს ესპანეთში 90-იან წლებში იყო, როდესაც დეპორტივოს ან ვალენსიას შეეძლოთ მოგება. თუ ბრძოლა მიმდინარეობს ორ გუნდს შორის, მაშინ პროდუქტი აღარ არის ისეთი მიმზიდველი. ადრე თითქოს უფრო მეტი გუნდი იბრძოდა ტიტულისთვის.

აშშ-ის კიდევ ერთი უპირატესობა ხელფასის ზღვარია. ევროპაში გარკვეული პერიოდის განმავლობაში ველოდით ფინანსურ სამართლიან თამაშს, მაგრამ პოლიტიკური პრობლემების გამო ის არ არსებობს.

ეს ნიშნავს, რომ პსჟ-ს და მანჩესტერ სიტის გუნდებს აშკარა მიზეზების გამო უზარმაზარი უპირატესობა აქვთ. ბარსელონას და მადრიდის რეალს, რომლებიც სოციოების საკუთრებაში არიან და ინვესტორებს მათ ბიუჯეტში ფული არ შეაქვთ, ევროპაში ასპარეზობა უფრო გაუჭირდებათ“,

- განაცხადა პიკემ.