ისტორიული მარცხი - სიტიმ რეალი გაანადგურა და ფინალშია
ჩემპიონთა ლიგის განმეორებით ნახევარფინალში „სიტიმ“ „რეალს“ უმასპინძლა და 4:0 გაანადგურა.
პეპ გუარდიოლას გუნდმა მადრიდელებს შანსი არ დაუტოვა და ისტორიული მარცხი აგემა.
„ქალაქელებმა“ ორივე ტაიმი 2-ბურთიანი სხვაობით მოიგეს და თავიანთი ფეხბურთის დემონსტრირება მოახდინეს. პირველ ნახევარში ბერნარდუ სილვას დუბლს, მეორე ტაიმში მილიტაოს ავტოგოლი და ხულიენ ალვარესის მიერ დასმული წერტილი მოჰყვა.
#UCL FINALISTS! ???? pic.twitter.com/UzAjYB63xN
— Manchester City (@ManCity) May 17, 2023
საინტერესო ფაქტები
პეპ გუარდიოლა მწვრთნელის რანგში თავის კარიერაში ჩემპიონთა ლიგაზე მე-4 ფინალს ითამაშებს. პეპს 2 გამარჯვება და 1 მარცხი აქვს.
კარლო ანჩელოტიმ გუარდიოლას წინააღმდეგ, ბოლო 8 მატჩიდან 6 წააგო.
მანჩესტერ სიტის ბოლო 24 მატჩია არ წაუგია. მათ ანგარიშზე 19 მოგება და 4 ფრეა.
რეალმა ჩემპიონთა ლიგის ისტორიაში 0:4 მეორედ წააგო. პირველად ეს 2009 წელს ლივერპულთან მოხდა. ამჯერად კვლავ ინგლისურ კლუბთან განმეორდა. ნახევარფინალურ სტადიაზე კი ასეთი სხვაობით ისტორიაში პირველად წააგეს.
