მატჩამდე - აინტრახტის და ატალანტას ქომაგებმა ნეაპოლი ერთად დაარბიეს
ჩემპიონთა ლიგის 1/8-ფინალური მატჩის წინ ნეაპოლში „აინტრახტის“ გულშემატკივრებმა არეულობები მოაწყვეს.
როგორც ცნობილია, „აინტრახტის“ ქომაგებს გერმანიაში გამართულ მატჩში მომხდარი ჩხუბის გამო დღევანდელ მატჩზე დასწრება ეკრძალებათ. გერმანელები ნეაპოლში მაინც ჩავიდნენ და ქალაქში სერიოზული არეულობაც მოაწყვეს.
Alemães voltaram para a rua e explodiu a confusão com a polícia em Nápoles.pic.twitter.com/b4rf2zBUB1
— Leonardo Bertozzi (@lbertozzi) March 15, 2023
Football Italia-ს ინფორმაციით, „აინტრახტის“ 600-ზე მეტი გულშემატკივარი ქალაქში მაინც ჩავიდა. წყარო წერს, რომ მათ ასევე შეუერთდნენ „ატალანტას“ ულტრასები, რომლებიც ნეაპოლელების მიმართ არც ისე დადებითად არიან განწყობილნი.
მათ პოლიციას და ქალაქის ქუჩებს ზიანის მიყენება ერთდროულად დაუწყეს, დაწვეს რამდენიმე მანქანა და დაიწყეს ქუჩების მსხვრევა.
ნაპოლის 200-მდე გულშემატკივარი მოვლენების ცენტრში მივიდა, მოტოციკლეტის ჩაფხუტებით და რკინის ხელკეტებით შეიარაღებულები.
როგორც წყარო წერს, პოლიციამ და სპეცრაზმმა ადგილობრივებს გერმანელ ქომაგებთან მისვლის საშუალება არ მისცეს, რადგან ასეთ შემთხვევაში სისხლისღვრა გარდაუვალი იქნება.
შეგახსენებთ, რომ „ნაპოლიმ“ ფრანკფურტში პირველი მატჩი 2:0 მოიგო.
