კრემონეზეს ანტი-რეკორდი სერია ა-ში
მიმდინარე სეზონში „კრემონეზეს“ თამაში ვერანაირ კრიტიკას ვერ უძლებს. ლუკა ლოჩოშვილის გუნდთან დაკავშირებით გამოცემა Opta-მ არასასიამოვნო სტატისტიკა შემოგვთავაზა.
შეგახსენებთ, რომ „კრემონეზე“ მიმდინარე სეზონამდე, სერია ა-ში 1995/96 წლების სეზონში ასპარეზობდა და სერია ბ-ში გავარდა. დღევანდელი მოცემულობით, გუნდს კვლავ იგივე ემუქრება.
რაც შეეხება Opta-ს სტატისტიკას, ცნობილი გახდა, რომ მათ ანტი-რეკორდი დაამყარეს. „კრემონეზე“ ისტორიაში გახდა მეორე გუნდი, რომელმაც იტალიის უმაღლეს დივიზიონში ზედიზედ 30 თამაში ვერ მოიგო. 10 ფრე და 20 წაგება. ასეთი შედეგი 1993 წლიდან 2004 წლის ჩათვლით „ანკონას“ ჰქონდა.
30 - #Cremonese have failed to win each of their last 30 matches in Serie A (D10 L20), equalling the longest run without victory in Serie A history: 30 games in a row, alongside Ancona between 1993 and 2004. Wait.#TorinoCremonese
— OptaPaolo (@OptaPaolo) February 20, 2023
შეგახსენებთ, რომ მიმდინარე სეზონში „კრემონეზემ“ 23 მატჩიდან 14 წააგო, 9 ფრედ დაასრულა და 9 ქულით ბოლო ადგილზე იმყოფება. ამის პარალელურად კი იტალიის თასზე ქართველი ფეხბურთელის გუნდმა „ნაპოლი“ და „რომა“ გამოთიშა ასპარეზობას. ნახევარფინალში კი „ფიორენტინას“ დაუპირისპირდება.