პატიმრები გაცვალეს - ბრიტნი გრაინერი თავისუფალია
აშშ-მ და რუსეთმა შეთანხმებას მიაღწიეს და WNBA-ის კალათბურთელი, ბრიტნი გრაინერი, რომელიც რუსეთში იყო დაპატიმრებული სამშობლოში ბრუნდება. იგი რუს დამნაშავეში, ვიქტორ ბუტში გაცვალეს, რომელიც იარაღით ვაჭრობის გამო იყო დაკავებული.
რუსულმა და ამერიკულმა მხარეებმა პატიმრების გაცვლა ოფიციალურად დაადასტურეს. პროცედურა 8 დეკემბერს, აბუ-დაბიში გაიმართა და გრაინერი სამშობლოში უახლოეს პერიოდში დაბრუნდება. მომხდარის თაობაზე ოფიციალური განცხადება გაავრცელა რუსეთის საგარეო საქმეთა სამინისტრომ და აღნიშნა, რომ ბუტი რუსეთის ტერიტორიაზე უკვე დაბრუნდა.
Moments ago I spoke to Brittney Griner.
— President Biden (@POTUS) December 8, 2022
She is safe.
She is on a plane.
She is on her way home. pic.twitter.com/FmHgfzrcDT
გრაინერის გათავისუფლებას ამერიკის შეერთებული შტატების პრეზიდენტი, ჯო ბაიდენი გამოეხმაურა. მან განაცხადა, რომ ბრიტნის პირადად ესაუბრა, იგი უსაფრთხოდაა, თვითმფრინავში იმყოფება და სამშობლოში ბრუნდება.
შეგახსენებთ, რომ გრაინერს 9-წლიანი პატიმრობა ჰქონდა შეფარდებული. 2022 წლის თებერვალში, 31 წლის სპორტსმენს ბარგის დათვალიერებისას ელექტრონული სიგარეტის ვაზნები აღმოუჩინეს, რომლებიც ჰაშიშის ზეთს შეიცავდა და ამის გამო დააპატიმრეს.
