„ლაჩარი და მატყუარა ხარ“ - თოფურიამ ბრაის მიტჩელს უპასუხა
დღეს, UFC-ის მებრძოლმა, ბრაის მიტჩელმა აღნიშნა, რომ ილია თოფურიამ მასთან ჩხუბზე უარი წონასთან დაკავშირებული პრობლემების გამო თქვა. 28 წლის ამერიკელის მიხედვით, „ელ მატადორმა“ განაცხადა, რომ 5 ნოემბრამდე, როცა მისი ბრძოლაა ჩანიშნული, წონას ვერ დააფიქსირებს და ამის გამო, UFC მისთვის სხვა ვარიანტებს ეძებს.
თოფურია მიტჩელის სიტყვებს სოციალურ ქსელებში გამოეხმაურა და „ტვიტერის“ საკუთარ გვერდზე გამოქვეყნებულ პოსტში განაცხადა: „შე ნაგავო! ლაჩარი და მატყუარა ხარ! მთელ სიმართლეს ვიტყვი!“
You piece of shit! Coward and liar ! I will tell the whole truth ????
— Ilia Topuria (@Topuriailia) October 18, 2022
შეგახსენებთ, რომ რამდენიმე საათის წინ გავრცელებული ინფორმაციით, ილია თანახმაა, მსუბუქ წონით დივიზიონში იჩხუბოს, რაზეც მიტჩელი უარს აცხადებს. ეს უკანასკნელი ქვემსუბუქ წონით დივიზიონში გამოდის და რეიტინგის მე-9 ნომერი გახლავთ.
ცნობისთვის, „ელ მატადორს“ 30 ოქტომბერს, ედსონ ბარბოზას წინააღმდეგ უნდა ეჩხუბა. ბრაზილიელმა ვეტერანმა ტრავმა მიიღო და ილია მეტოქის გარეშე დარჩა. თოფურიას კარიერაში 12 ბრძოლა აქვს გამართული და არც ერთხელ დამარცხებულა. მიტჩელს რაც შეეხება, მის ანგარიშზე 15 მოგება და 1 წაგებაა.
